Kurdîstanijî semedê Rayberê Şarê Kurdî kuçeyan de yê
Almanya, Fransa û Swîsre de kurdîstanijê ke vejîyayî kuçeyan tecrîdê serê Rayberê Şarê Kurdî Abdullah Ocalanî şermezar kerd û azadîya ci waşte.
Almanya, Fransa û Swîsre de kurdîstanijê ke vejîyayî kuçeyan tecrîdê serê Rayberê Şarê Kurdî Abdullah Ocalanî şermezar kerd û azadîya ci waşte.
Welatanê Ewropa de çalakîyê semedê azadîya Rayberê Şarê Kurdî Abdullah Ocalanî dewam kenê. Vizêr reyna xeylêk bajaranê Almanya, Fransa û Swîsre de çalakîyî ameyî kerdene.
Bajarê Duisburgî yê Almanya de aktîvîstanê TCŞ û TekoJIN çalakîya bêîteatîya sîvîle kerde.
Bajarê Stuttgartî yê Almanya de dezgeho tewr pîl ê çapemenîye Reqio TV de derehqê tecrîdî pêvînayîş ame kerdene.
Bajaranê Duisburg, Baumheide û Osnabruckî yê Almanya de zî kurdîstanijan seba ke bale biance tecrîdê Îmraliyî ser Neteweyanê Yewbîyayeyan rê mektubî şawitî.
Paytextê Fransa Paris de ciwanan bi rayraşîyayîşê tecrîdê Îmraliyî şermezar kerd û azadî Abdullah Ocalanî waşte.
Bajarê Cenevere yê Swîsre kurdîstanijê ke semedê cuya Abdullah Ocalanî qisawet kenê bi vengdayîşê çalakîya lazabeze vejîyayî kuçeyan. Reyna bajaranê Bassel, Bern û Zurîh de zî kurdîstanijî bi eynî waştişî kuçeyan de bî.
Bajarê Lozanî yê Swîsre de eba azadîya Rayberê Şarê Kurdî Abdullah Ocalanî Neteweyanê Yewbîyayeyan (NY) rê mektubî ameyî şawitene.