Kampa Multecîyan a bajarê Lavrioyî yê Yunanistanî de semedê azadîya Rayberê Şarê Kurdî Abdullah Ocalanî grevê veşanîyo ke dest pêkerdbi di mengî xo dima verdayî.

Çalakîya grevê vêşanîye ewro bi aktîvîteyêke hetê grûba 13. ra ameye dewrgirewtene. Çalakwanan ra Hayrî Eryetmezî ke aktîvîte de qisey kerd vat şarê kurdî do pê çalakîyanê rêxistinkerdeyan Rayberê Şarê Kurdî Abdullah Ocalanî bikero azad.

Grevê vêşanîye ke hetê Têgêrayîşê Ciwanan ê Şorişgêran (TCŞ), TJK-E û Merkezê Kulturê Kurdan ra yeno kerdene 4ê çeleyî de dest pêkerbi. Çalakîye hetê grûba ke 8 kesî tede yê sey 5 rojan bidor yena kerdene. 13ê kanûne ra nata zî her şewa şemeyî saete 20:00 û roja sêşemeyî zî saete 13:00 de çalakîya vengvetişî yena kerdene.