Şaristanê Baselî yê Swîsre de seba paştdayîşê CAN TVyî aktîvîteyêke ameye serûberkerdene. Wekîla DEM Partî ya Dêrsimî Aytene Kordu, Hemserekê FEDA Demîr Çelîk, sîyasetmedarî Musa Farisogullari û Necdet Atalay zî tede xeylêk kesî tewrê aktîvîte bîyî.

Aktîvîte de hêverî hunermendî Zeynepe Enhas û Vedat Gundogdu vejîyayî sehne ser.

Dima Demîr Çelîkî xîtabê beşdaran kerd û vat: ''CAN TVyo ke vengê şarê elewîyan o, ez keda ci selam kena. Weçînayîşanê 31ê adare de şarê ma qeyûmî şawitî, Wan de îradeyê şarî ser kewt. Bi nê hawayî ma dî ke yewîya ma do heqê her çî ra bêra.

Dima Koma Ra vejîyaye sehne ser.

Aytene Kordu zî aktîvîte de qisey kerd û vist vîrî ke Ewropa de vera Stêrk û Medya Haber TVyî û Tirkîya de zî vera rojnamegerî hêrişî ameyê kerdene. Aytene Kordu vat: ''Bi nê hêrişan çew nêeşkeno Çapemenîya Azade  bêveng bikero. Ez  venga şarê ma yê Ewropa dana ke ganî ma yewî û rêxistinîya xo pîlêr bikerê. Serrgêra Terteleyê 1937î  4ê Gulane beno nêzdî. Senî ke Seyîd Riza û embazanê ci hişmendîya tekpereste rê bîad nêkerdo ma zî do wina bîad nêkerê.''

Aktîvîte bi performansê hunermend Alî Sîzerî qedîyaye.