Merkezê Roubaixî yê şaristanê Lille de kurdo hewlêrij ê bi nameyê Zîkrî Elî Avşîn  vizêr hetê tirkêkê bi nameyê Ramazanî ra seba ke deyîrêka bi kurdkî goşdarî kerdêne, pê meqasî  ameye derbkerdene.

Zîkrî Elî Avşîn (27)o ke zewijnaye yo, wexto ke berberxane de xebitîyayêne faşîst Ramazan kewt zere. Seba ke Avşînî muzîkê bi kurdkî goşdarî kerdêne Ramazanî o tehdît kerd. Cewabê Avşînî yê 'Ez bi ziwanê xo muzîkî goşdarî kena' ser o Ramazanî bi meqesê berberî hêrişê Avşînî kerd.

Ramazano faşîst hetê polîsan ra ame destbendkerdene. Zîkrî Elî Avşîno ke 3 cayanê xo ra birîndar bîyo, wedarîya nêweşxaneyî.

Dima ke serebût ame eşnawitene kurdîstanijî şîyî nêweşxaneyî. Selahîyetdaranê Merkezê Komelê Demokratîkî yê Kurdan doktoran de qisey kerd û dîyar kerd ke Avşîn emelîyat bîyo. Selahîyetdaran bale ante ser ke tirkê faşîstî qestî ra kenê ke kurdan tehrîk bikerê, provakasyonan bikerê û hişyar kerd ke 'nêrê provakasyonanê faşîstan.'