Şaristanê Limasolî yê Kibrisî de Merkezê Kulturê Kurdan ê Theifolosî de seba yadkerdişê şehîdan merasîmêk ame serûberkerdene. 

Yadkerdiş de Ferhat Kurtay, Necmî Oner, Mahmut Zengîn, Eşref Antik ê ke 18ê gulana 1982î de Zîndanê Amedî de xo vêşnaybî û gerîlayê HPGyî Xemgîn Setkar (Abdullah Temel)o ke 26ê gulana 2019î de şehîd bibi ameyî yadkerdene.

Endama Komîsyonê Keyeyanê Şehîdan Fatma Jîrkî merasîm de qisey kerd û pare kerd ke têkoşînê vera faşîzmê dewleta tirke heta peynî do dewam bikero.

Merasîm de gerîlayê HPGyî Gaffar Yilmaz, Zeynel Alakûş û Zeynel Gozubuyuk zî ameyî yadkerdene ke 7ê gulana 2020î de şehîd bibî. Nameyê keyeyê Gozubuyukî ser o Yilmaz Çelîkî qisey kerd û vat: ''Ma do qet nêeşkê heqê şehîdan bigêrê. Ma do vîrameyîşê înan bidê ciwîyayene. ''

Merasîm de mektub û şîîrê seba şehîdan ameyî wendene û sînevîzyonêk ame mojnayene.