Çarçewaya Rojanê Abdullah Ocalanî rê Azadîye de xêzeromanê 'Azadîye Do Ser Bikewa' yo ke qala cuyeya Rayberê Şarê Kurdî Abdullah Ocalanî keno, dîya sarisnayene.

Nuştoxê kitabî Sean Michael Wilson o îskoç yo ke wayîrê dîyarî yo û Înîsîyatîfê Abdullah Ocalanî rê Azadîye ra Reimer Heider tewrê kombîyayîşî bîyî. Kombîyayîş bi rêzgirewtişê semedê şehîdan dest pêkerd û dima ra bi nameyê komeleya kurdan qiseykerdiş ame kerdene.

Edîtorê projeyê kitabî û Înîsîyatîfê Abdullah Ocalanî rê Azadîye ra Reimer Heideî vat: ''Seba ke neslo newe zaf kitaban nêwenanê ma zî cehd kerd ke rayîrêkê bineyna pratîkî bivîJnê. Çi heyf ke Rayber Apoyî neslê newî de dîrek tekîlî nêna ro. Bi nê xêzeromanî ma wazenê ke Rayberîye û neslê newî bîyarê têhet.''

Dima ra nuştoxê kitabî Sean Michael Wilsonî derheqê prosesê pêardişê kitabî de qisey kerd. Sean Michael Wilsonî ard ziwan ke o  binê tesîrê paradîgmaya konfederalîzmê demokratîkî mendo û vat: ''Mi heta ewro 45 rezeromanî nuştî û mîyanê înan de nameyê sey Noam Chomsky û Jeremy Corbynî zî est ê.''

Badê qiseykeridşê Sean Michael Wilsonî beşê persan û cewaban dest pêkerd. Kurdan Michael Wilsonî rê semedê kitabî spas kerd.

Sean Michael Wilsonî vat: ''Mi bi nê kitabî Rayberê Şarê Kurdî Abdullah Ocalan sarisna, wend. Ez şagirtê nê kitabî ya. Abdullah Ocalan têna rayberêko gird nîyo, eynî wextî de raybero wayîrê fikranê holan o.''