Paytextê Îngîlîstanî London û bajarê Reimsî yê Fransa de aktîvîteyê yadkerdişê şehîdan ameyî kerdene.

London de hetê Komîsyonê Keyeyanê Şehîdan,  Meclîsê Cinîyan ê Jîyane û Têgêrayîşê Ciwananê Şorişgêran ra semedê Kînda Zîn, Berçeme Turcel û Şehîdanê Parisî yê ke 9ê Çeleyê 2013 û 23ê Kanûna 2022yî de ameyî qetilkerdene, aktîvîteyêke ameye kerdene.

Keyeyê Kînda Zîn, keyeyê şehîdan bû bi seyan kesî tewrê aktîvîte bîyî. Şexsê Kînda Zîn de semedê şehîdan rêz ame girewtene û dima ra qiseykerdişî ameyî kerdene. Qiseykerdişan de bale ameye antene têkoşînê 30 serran ê Kînda Zîn û Berçeme Turcel ser û ame vatene ke şarê kurdî do wayîrê têkoşînê şehîdanê xo bivejîyo. Badê qiseykerdişan derheqê Şehîde Kînda Zîn û Şehîdanê Parisî de sînevîyon ame mojnayene û muzîsyen Mervanî kilamî vatî.

Reims de zî serkêşîya Têgêrayîşê Cinîyan ê Kurdan ê Fransa de semedê yadkerdişê Evîne Goyî, Mîr Perwer û Abdurrahman Kizilî yê ke Paris de ameyî qetilkerdene, aktîvîteyêke ameye kerdene.