Lozan de çalakîya standî ya seba azadkerdişê Rayberê Şarê Kurdî Abdullah Ocalanî û vera qedexeyê serê PKKyî serrêke xo pey de verdaye.

Çalakîya ke serkêşîya Merkezê Komelê Demokratîkî Lozanî, Meclîsê Cinîyan ê Lajîne û TCŞ-TÊKO-JIN de yena kerde, tede hêrişê vera kurdan zî yenê teşhîrkerdene. 

Endama Meclîsê Cinîyan ê Lajîne Ozleme Ozturk derheqê çalakîye de qisey kerd û pare kerd ke ê çarçewa çalakîye de paradîgmaya Ocalanî zî danê şinasnayene. Ozturke vat: ''Ma seba ke PKK lîsteya terorî ra bêro vetene îmzayan arê danê.''

Ozturke bale ante hêrişanê kîmyewîyan ê dewleta tirke yê vera gerîlayan ser û vat: ''Nê hêrişî sûcê şerî û sûcê vera merdimîye yê. Ma çalakîya xo de nê hêrişan zî teşhîr kenê.''