Xeylêk welatanê Ewropa de serrgêra 44. ya ronîyayîşê PKKyî bi şayîyan ameye fîrazkerdene.

Goteborg

Şaristanê Goteborgî yê Swêdî de şayîye de hunermendî Peyvan Arşîn, Hozan Evîn Akbaş, Sîphan Afrînî û Ferîborz Karîmî vejîyayî sehne ser.  Salona şayîye de alayê PKKyî, posterê Rayberê Şarê Kurdî Abdullah Ocalanî û fotografê şehîdan ameyî daliqnayene.

Bordeaux

Şaristanê Bordeauxî yê Fransa de roja şemeyî şayîyêke ameye kerdene. Şayîye de derheqê PKKyî de sînevîzyonêk ame mojnayene. Hunermendî Hozan Aydin, Koma Çarsînor, Seher Stran û Mîr Perwer vejîyayî sehne ser û şar bêmanên sloganî vatî.

Lyon 

Şaristanê Lyonî yê Fransa de xeylêk hunermendî vejîyayî sehne ser.

Ishoj

Şaristanê Ishojî yê Danîmarka de şayîye de hunermendî Azad Farqîn, Nûarîn û Hozan Fîgen û Necatî Gezen vejîyayî sehne ser. Şayîye de derheqê PKKyî de sînevîzyonêk ame mojnayene. Wekîla verêne HDPyî Sîbele Yîgîtalp şayîye de qisey kerd û bale ante serewedaritişê Îran û Rojhelatê Kurdîstanî.

Sydney

Şayîye bi merşê 'Ey Reqîb' dest pêkerde. Qiseykerdişan de ame vatene ke xoverdayîşê gerîlayan polîtîkayanê şerî yê dewleta tirke do çin bikero. Şayîye de hunermend Mesud Med û Roj vejîyayî sehne ser û şarî heta şewe govende girewte.

Luzern

Bi wesîleya serrgêra 45. ya ronîyayîşê PKKyî şaristanê Luzernî yê Swîsre de şayîyêke ameye kerdene. Kurdîstanijan verî çalakîya rayraşîyayîşî kerde, eşkerayîya xo wende. Hemserekê Meclîsê Komeleya Kulturê Kurdan a Luzernî Ercan Guneşî qisey kerd û vat: ''PKK bi têkoşînê xo, şarê kurdî newe ra werizna payan ser û netîceya ney de sloganê 'jin, jiyan, azadî' bi modelê mîsalî.'' Şarî dima muzîkî reyde govende girewte, serrgêra ronîyayîşê PKKyî fîraz kerde.