Şaristanê Luzernî yê Swîsre de seba şehîdanê Menga Gulane merasîmê yadkerdişî ameye kerdene. Merasîm hetê KOMAWî ra Merkezê Komelê Kurdan ê Demokratîkî de ame serûberkerdene.

Merasîm de sîyasetmedar Mehmet Alî Hocayî qisey kerd û vat: ''Têkoşînê azadîye îsbat kerd ke ewro hêzêko xurt o û no hêz şehîdan ra yeno. Ma do mîrasê şehîdan bipawê.''

Dadîya şehîde Fatma Tore nameyê KOMAWî ser o merasîm de qisey kerd û vat: ''Wayîrê mîrasê şehîdanê xo vejîyê.''

Hemsereka CDKyî Nurşane Demîr vat: ''Seba ke ma bibê layîqê mîrasê şehîdan xoverdayîşê înan ser bivisnê. Sey şarê kurdî ma do xeta xoverdayîşî de têkoşînî rê dewam bikerê.''

Merasîm de aktîvîstanê TCŞ û TÊKO-JIN qisey kerd û ercnayîşê Rayberê Şarê Kurdî Abdullah Ocalanî ameyî goşdarîkerdene.