Bi hezaran kurdîstanijan û dostanê înan Lyon û Amsterdam de bi şîarê 'Abdullah Ocalanî rê azadîye, Kurdîstanî rê statu'yî çalakîye kerde.

Şaristanê Lyonî yê Fransa de serkêşîya CDK-Fyî de rayraşîyayîşêk ame kerdene. Rayraşîyayîş dima vurîya mîtîngî. Mîtîng de Hemsereka KCDK-E Zubeyde Zumrut pare kerd ke heta ke Abdullah Ocalan azad nêbo haştîye do nêra. Partîya Komunîste ya Fransa (PCF) Raphael Debutî û CDK-Fyî ra Bêrîvane Rozerîn de mîtîng de qisey kerd. Hunermendî Farqîn Azad, Lavîn Perînçek û Seyda Perîncek mîtîng de vejîyayî sehne ser.

Paytextê Hollanda Amsterdam de serkêşîya DEM-NEDî de rayraşîyayîşêk ame kerdene. Rayraşîyayîş de faşîstanê tirkan waşt ke provakasyon bikerê la girseyî verê ney girewt. Rayraşîyayîş de ame parekerdene ke heta ke Rayberê Şarê Kurdî Abdullah Ocalan azad nêbo têkoşînê kurdan do dewam bikero.