Nobeta 'Rayberê Şarê Kurdî Abdullah Ocalanî rê Azadîye' ya ke şaristanê Strasbourgî yê Fransa de yena kerdene, hewteyê 578. de dewam kena. No hewte koma Evryî ya Parisî nobete dewr girwewte. Koma nobete de kurdîstanijî Mustafa Demîr, Serhat Gumuş û Mîro Şeyhmus Bîlen cagênê.

Musatafa Demîrî da zanayene ke Rayberê Şarê Kurdî Abdullah Ocalanî ra 2 serrî yo xeberêke nêna girewtene û vat: ''Rayberê ma binê tecrîdêkê mutlaqî de yo. No goreyê qanûnanê dewleta tirke sûc o. Eke babete bêra kurdan ser çira Yewîya Ewropa û pawitoxê heqanê merdiman vengê xo nêkenê? Heta ke tecrîd bişikîyo û Rayberê ma azad bibo ma do têkoşîn bikerê. Ma do hesabê zulmê vera Rayberê xo bipersê. Ma venga şarê xo danê ke bi hesasîyetî têbigêro.''

Serhat Gumuşî zî dîyar kerd ke vera Ocalanî zulmêko giran yeno kerdene û vat: ''Ganî Rayberê ma bêro azadkerdene. Ma hê serrgêra Peymana Lozanî de yê coka bêrê ma yew bibê û rêxistinîya xo geş bikerê. Ma do Rayberê xo azad bikerê.''