Rayberê Şarê Kurdî Abdullah Ocalanî ra hîrê serrî yo xeberêke nêna girewtene. Çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de çalakîyê seba azadîya Abdullah Ocalanî dewam kenê.

Endamê Konseya Rayberdişî ya KCKyî Zubeyîr Aydarî û Hemserekê KONGRA-GELî Remzî Kartalî Hemleya Azadîye ANFyî rê ercnaye.

Zubeyîr Aydarî vat: ''Rewşa Abdullah Ocalanî rojdemê pêro kurdan a. Çunke o tepişteyêko sey her kesî nîyo. Rayber Apo 26 serrî yo zîndan de yo û binê tecrîdêkê giranî de yo. Hîrê serrî yo ey ra xeberêke nêna girewtene. Hemleya Azadîye serkêşîya dostanê ma de 10ê teşrîna verêne de amebî îlankerdene. Na hemle seba ma zaf girîng a û heta nika ma na hemle de resayî astêka girînge. Nika hemle derbazê safhaya diyîne bîye. Ma ganî wayîrê na hemle vejîyê, tecrîdî bişiknê, azadîya Rayber Apoyî û pêro tepişteyanê sîyasîyan bîyarê ca. Azadîya Rayber Apoyî azadîya pêro kurdan a.''

Remzî Kartalî vat: ''Hemleya Azadîye warê mîyanneteweyîyî de tesîrêko pîl viraşt. Na rewşe bi taybetî rojdemê KNKyî de ya. Serra 2024î seba azadîya Rayber Apoyî serrêka krîtîk a. Ma eşkenê îmkananê neweyan biercnê û bi nê hawayî berê Îmraliyî abikerê. Ma eşkenê wina bikerê ke dewleta tirke neçare bimana. Ganî pêro cinî, ciwan, şarê ma, roşnvîr, sîyasetmedar û dostê ma serra 2024î de caardişê azadîya Rayber Apoyî bikerê esas.''