Aktîvîstanê TCŞ û TekoJINî 5ê  teşrîna peyêne de bajarê Oberhausenî yê Almanya de wextê maçê Global Boksî de pankartî akerdî û hêrişê kîmyewîyî yê dewleta tirke şermezar kerdî.

Gama ke semedê paştdayîşê serewedaritişê Rojheletê Kurdîstanî û Îranî Jîna Emînî ameyêne vîrardene aktîvîstan pankartê ''Jin,jîyan azadîye'' akerde pîya bi hezaran kesan slogana ''Jin jîyan azadîye'' eşte.

Boksoro kurd Îsmaîl Ozenî ke şewa boksî rê serkêşîye kerde vat înan na şewe dîyarîya Jîna Emînî kerda. Ozenî waşt heme serkerdoxî pê çilayê telefonanê xo cinîyan ê xoverdayoxan ê Rojahelatê Mîyanênî yad bikerê.

Aktîvîstan seba ke bale binacê hêrişanê kîmyewîyan ê dewleta tirke yê vera gerîlayan ser pankart akerd û pê sloganan îşxlakerî şermezar kerdî. Almanan zî paştî daye aktîvîstan. Tayn nîjadperestan waşt pê beyraqanê Tirkîya û Azerbaycanî provokasyon vejî la wezîfedaranê asayîşî nê grûbê faşîstî warî ra vistî dûrî.