Şaristanê Londonî yê Îngilîstanî de hetê ciwananê kurdan ra maçê Manchester United-Galatasarayî de fotografê Rayberê Şarê Kurdî Abdullah Ocalanî ameyî akerdene û sloganî ameyî vatene.

Ciwanan dîyar kerd ke stadyum de qasê 80 hezar kesî est bîyê û rixmê pêro astengî û hêrişanê nîjadperestan zî înan çalakîya xo bi qerardarî kerda. 

Hêrişanê polîsan ê vera ciwanan teberê stadyumî de zî dewam kerd. Çalakîye de ame îfadekerdene ke heta ke Rayberê Şarê Kurdî azad bibo ciwanî do xo ver bidê.

Ciwanan çalakîye ra dima eşkerayîyêke daye û vat: ''Şiknayîşê tecrîdî û têkoşînê seba weşîya Rayber Apoyî karê ma yo verên o.''

Ciwanan vera Konseya Ewropa û CPTyî zî nêrazîbîyayîşê xo mojna û vat: ''Ma venga ciwananê şorişgêran ê ewropayîjan danê ke seba azadîya Rayber Apoyî waran de xo ver bidê.''