Têgêrayîşê Ciwanan ê Kurdan û Cinîyan ê Ciwanan ê Ewropa, Cinîyê Ciwanî yê Têkoşerî (TEKO-JIN) û Têgêrayîşê Ciwanan ê Şorişgêran (TCŞ) şaristanê Mannheimî yê Almanya de seba azadîya Rayberê Şarê Kurdî Abdullah Ocalan rayîrî ra şîyî.
Têgêrayîşê Ciwanan ê Kurdan û Cinîyan ê Ciwanan ê Ewropa, Cinîyê Ciwanî yê Têkoşerî (TEKO-JIN) û Têgêrayîşê Ciwanan ê Şorişgêran (TCŞ) şaristanê Mannheimî yê Almanya de seba azadîya Rayberê Şarê Kurdî Abdullah Ocalan rayîrî ra şîyî.
Çalakîya rayraşîyayîşî bi qedexe û provakasyonê polîsan ê almanan dest pêkerd. Tîmanê taybetan, polîsanê siwarîyan û xeylêk polîsanê bînan seba ke çalakîye krîmînalîze bikerê fotografê Ocalanî qedexe kerdî. Polîsî hêrişê ciwanan kerd û 2 ciwanî destbend kerdî. Wextê hêrişê polîsan de 2 cinîyê ciwanî zî birîndar bîyî.
Rixmê xîretê polîsan zî rayraşîyayîşî heta merkezê şaristanî dewam kerd. Rayraşîyayîş de sloganê sey 'Biciwîyo Serek Apo' ameyî vatene û alayê TCŞ, YPG û TEV-DEMî ameyî akerdene. Heman wextî de Fermandarê Herêma Botanî Egîd Civyan zî ame yadkerdene.
Rayraşîyayîş dima vurîya nawnayîşêk. Ciwanê YXK, YJK û ciwanê antîfaşîstî yê almanî zî tewrê nawnayîşî bîyî. Nawnayîş de ame vatene ke hînî vera tecrîdî sebrê kurdan nêmendo.
Dima ke nawnayîş qedîya polîsan waşt ke nasnameyê tay ciwanan kontrol bikerê.
Muxabîrê ajansê Nûçeciwanî yo ke dîmenî antêne, nêzdî saetêke ame destbendkerdene.
