Şaristanê Mannheimî yê Almanya û şaristanê Marignane yê Fransa de hêrişê îşxalî yê dewleta tirke yê vera Başûrê Kurdîstanî ameyî protestokerdene.

Çalakîya Mannheim pê deqayêkê rêzgirewtişî dest pêkerd. Çalakîye de ame vatene ke gerîlayî merdimîye pawenê û artêşa tirke ya îşxalkere vera gerîlayan bin kewta. Çalakîye de venga PDKyî ame dayene ke wa xeletîya xo ra abigêra. Çalakîye pê sloganan qedîyaye.

Marignane de ciwanan vera hêrişanê îşxalî çalakîya bêîteate ya sivîle kerde. Çalakîye de eşkerayîya KCKyî ameye wenden û xoverdayîşê gerîlayan ame selamkerdene.