Ablûqaya vera Mexmûrî şaristananê Marignane û Bielefeldî de ameye protestokerdene.

Marignaneya Fransa de kurdîstanijan bi şîarê 'Mexmûr teyna nîyo' venga Neteweyanê Yewbîyayeyan da ke verê kampe de mesuldarîyanê xo bikerê. Çalakîye de venga artêşa Iraqî dîya ke cade xo kampe ra apey bianca.

Bielefeldê Almanya de vengdayîşê NCDKyî ser o vera ablûqaya serê Mexmûrî mîtîngêk ame kerdene. Çalakîye de ame vatene ke tewirê artêşa Iraqî qetî nêno qebulkerdene û ganî NY cade erkanê xo bîyaro ca. Mîtîng pê sloganan qedîya.