Gerîlayê ke Operasyonanê Şorişgêran de şehîd bîyê, şaristanê Marsilya yê Fransa de ameyî yadkerdene. Merasîmê yadkerdişî Merkezê Komelê Demokratîkî de ameyî kerdene û tede şehîd Huseyîn Azad, şehîd Memyan Armanc, şehîd Helmet Şahîn û şehîd Welat Serhed ameyî yadkerdene.

Nameyê Komîteya Keyeyanê Şehîdan ser o Edalete Serhed qisey kerd û pare kerd ke PKKyî rixmê pêro zehmetîyan zî tim bi têkoşînê xo tarîx nuşt.

Nameyê NCDKyî ser o Delîl Zagrosî zî vat ke ganî şarê kurdî bi çalakîyanê xo peynîya tecrîdê vera Rayberê Şarê Kurdî Abdullah Ocalanî bîyarê.

Nameyê keyeyê Huseyîn Azadî ser o Şirîne Çîçekçî vat: ''Ma do tim xeta şehîdan de  bê û xoverdayîşî pîlêr bikerê.''

Nameyê keyeyê şehîd Welat Serhedî ser o Nure Yilmaz vat: ''Ma do rayîrê şehîdan ra şorê. Wa sereyê Rayber Apoyî û şarê kurdî weş bê.''

Merasîm bi slogananê “Şehîd namirin” û “Bijî Serok Apo” qedîya.