Bajarê Marsilya yê Fransa û bajarê Hannoverî yê Almanya de vera tecrîdê serê Rayberê Şarê Kurdî Abdullah Ocalanî û hêrîşanê îşxalî yê dewleta tirke kurdîstanijî reyna waran de bî.

Marsilya de çalakîya xeyme ya ke hetê  Meclîsê Cînîyan ê Arîne Mîrkan ra ameye organîzekerdene roja dîyine de dewam kerde. Xeyme de pankartê bi nuşteyê 'Cuya Rayberê Şarê Kurdî Abdullah Ocalanî cuya ma ya, weşîya ey weşîya ma ya', 'Ocalanî rê Azadîye, Kurdîstanî rê Statu' û 'Kadroyê Rayberî yê PKKyî Murat Karayilan, Cemîl Bayik û Duran Kalkan şerwanê azadîye yê terorîst nîyê' ameyî dardekerdene.Xeyma ke kuçeyo tewr sixletî yê Meydanê Vieux Portî de ameye ronayene de kitab û vilawekê ke qala paradîgmaya Abdullah Ocalanî kenê, ameyî vilakerdene. Çalakîye ewro do bi rayraşîyayîşêkî biqedîye.

Hannover de zî serkêşîya Meclîsê Cinîyan ê Ronahî de semedê azadîya fîzîkîye ya Rayberê Şarê Kurdî Abdullah Ocalanî Neteweyanê Yewbîyayeyan (NY) rê mektube ameye şawitene. Cinîyan vera tecrîd û tewirê CPTyî hersê xo ard ziwan û azadîya Abdullah Ocalanî waşte.