Bajarê Marsilya yê Fransa  û Zurihê Swîsre de tecrîdê serê Rayberê Şarê Kurdî Abdullah Ocalanî ame protestokerdene û azadîya ci ameye waştene.

Zurih de kurdîstanijê ke verê Konsolosxaneyê Tirkîya de ameyî têhet veng da heme dewletan û dezgehanê mîyanneteweyî ke wa vera sîtemê tecrîdî yê Îmraliyî wezîfeyê xo bîyarî ca û vengê xo berz bikerê.

Marsilya de zî kurdî verê Temsîlxaneyê Parlamentoyê Ewropa de çalakîya roniştişî kerde û bala ante tecrîdê giranî yê Îmraliyî ser. Çalakîye de veng dîya kurdan ke wa semedê Rayberîya xo wirzê payan ser.

Wird çalakîyan de zî semedê tewrbîyayîşê çalakîya Lozanî ya ke do 22 temmuze de bêro kerdene, veng da.