Fermandarê Pêroyî yê QSDyî Mazlûm Ebdî vat ê wazenê ke çarçewaya seyyewbînîye de wa pêro şarê Sûrîye bibê yew.

Mazlûm Ebdîyî ajansê ANHA rê qisey kerd û nê vatî: ''Ê ke ma bi parçekerdişê Sûrîye sûcdar kenê ez înan rê reyna sey cewabî vajî, ma goreyê prensîbanê xo yê sabîtan têgêrenê. Ma wazenê ke çarçewaya seyyewbînîye de wa heq û rolê heme sûrîyeyijan bidîyê ci. Ma yewîya Sûrîye wazenê. Ma paştî danê hukmatê Şamî û heme welatî ra vilabîyayîşê îdareyê dewlete yê Sûrîye ke ma do bibê leteyêkê ci, bi memnuyetî pêşwazî kenê. Ma sey sûrîyeyijan sey kota nê çarçewaya hemparîye de hazir ê ke hêzan û dezgehanê xo heme hêzan û dezgehanê dewlete rê entegre bikerê.''

Fermandarê Pêroyî yê QSDyî Mazlûm Ebdîyî ard ziwan ke zengînîye binerdî yê Sûrîye aîdê heme sûrîyeyijan ê û vat: ''Seba ke nê zengînîye bi hewayêkê edîlî semedê îstîkrar û refahê şarê Sûrîye bêrê parekerdene, ma hazir ê ke bidê binê çimdarîya hukmatê Şamî. Seba ke nê babetî bêrê caardene hewceyê ma xerîtayêka rayîrî bi îdareyê Şamî est a. Wina qeyde ma eşkenê babetanê ke qala ci kenê lezabez bidê ciwîyayene.''