Rojhelatê Kurdîstanî de cezaya îdamî ya ke dîyabî Werîşe Mûradî û Pexşane Ezîzî do bi grevê pêroyîyî bêra protestokerdene. 6 partî û rêxistinanê Rojhelatê Kurdîstanî pîya bira grevî daye. Grev do 22yê çeleyî de bero kerdene.

6 partî û rêxistinan derheqê babete de eşkerayîyêke daye û pare kerd ke ganî nê birê îdamî cade bêrê betalkerdene. Eşkerayîye de wina ame vatene: ''No grev beno ke do bi mesajê xopawitişî sey Şorişê 'Jin, Jiyan, Azadî' vila bibo û vengê zîndanan ê 'Îdamî rê ney' rê bibo veng.

Ma venga pêro şarê Kurdîstanî danê ke 22yê çeleyî de tewrê grevî vibo. Seba ke grev bireso armancê xo ganî pêro dibistan, market, kargehî girewte bibê. Ma do bimojnê îqtîdarê bêwijdanî ke Kurdîstan do bêveng nêmano û tewirê xo bimojno. Wa biciwîyê yewî û yewparetîya şarê Kurdîstanî.''

Nê rêxistin û partîyan morê xo da binê eşkerayîye:

Partiya Azadî ya Kurdistan

Partiya Jiyana Azad ya Kurdistan (PJAK)

Komeleya Şoreşgerî ya Zehmetkêşanên Kurdistanî Îran

Hizba demokrata Kurdistanê ya Îran

Komeleya Zehetmkêşana Kurdistan

Komeleya Rêxistina Kurdistan ya Hizba Kominîsta Îran