Mehkemeya Zanîngehê Azadî yê Brukselî (L'Université libre de Bruxelles) de roja diyîne de dewam kena.

Bernameyê mehkeme yo ewroyîn wina yo:

09:00-09:30: Amadekarîya roja 2yîne

09:30-10:30: Roniştişo 4in 

10:50-12:30: Roniştişo 5in

13:30-15:00: Roniştişo 6in

15:00-15:30: Qiseykerdişê dozgerîye yo peyêm

15:30-16:00: Çarçewa huqûqî de Tirkîya ra hesabpersayîşî û ercnayîşê huquqî.

16:00-17:30: Ercnayîşî

17:30-18:00: Fikrî

Roja verêne de îşxalê Efrînî, sûcê vera şarê Efrînî, vurnayîşê demografî ameyî ercnayene.Avûkatê efrînijî Îbrahîm Şêxoyî qalê binpaykerdişanê dewleta tirke kerd û vist vîrî ke Efrîn de 20 zîndanê akerdeyî est ê, kurdî bîlasebeb tepişîyenê û dewleta tirke Efrîn de qetilkerdiş, talan, dizdî û asîmîlasyon kena.

Avûkatê katalnî Urko Azurtzayî zî sûcê şerî yê vera Girê Sipî û Serêkanîyê ser o qisey kerd. Ey ard ziwan ke dewleta tirke dest nana mal û mulkê şarî ser, şarî rê koçkerdiş ferz kena, demografîya herême vurnena, çekanê qedexeyan şûxilnena û nê pêro kerdişî belgekerde yê.