Melayanê Komelê Îslamî yê Kurdîstanî (CÎK) ajansê ma rê qisey kerd, hêrişê dewleta tirke yê vera Rojawanî şermezar kerdî û seba têkoşînî venga şarê kurdî da.

Mela Davîd Sefanî: Cuya kurdan her war û platformî de ganî babeta esase Rojawan biba. Ewro îşxalkerî hêrişê destkewteyanê şarê ma yê Rojawanî kenê û seba çinkerdişî qirkerdişan kenê. Seba pawitişê destkewteyan û vindarnayîşê qirkerdişan ganî şarê ma nê têkoşînî derbazê her warî bikero.

Mela Mihemed: Şarê ma zulmî ra derbaz beno. Eke ma venga nê zulmî vengê xo nêkerê benê şirîkê ci. Ganî ma ew bibê û hişyar bibê. Dişmen wexto ke qisey keno vano ke ma way û birayê yewbînan ê la hewcedarîya ney nêano ca. 

Mela Kasim: Wayîrvejîyayîşê Rojawanî seba ma erkêko exlaqî, dînî û merdimatî yo. Hêrişê vera Rojawanî wa bi ruhê Kobanê bêrê şiknayene. Şarê ma wa vera hêrişan wurzo payan ser. Îşxalkerî doman, cinî û kokiman qetil kenê. Ganî her kes vera ney wurzo payan ser û paştî bido şarê kurdî.

Hetkarê Serekê Pêroyî yê CÎKî Harun Sever: Rojawan zerrîya Kurdîstanî ya.Ma eşkera vînenê ke dewleta tirke nêwazena Rojawanî rehet ver bida. Ma do qetî pawitişê Kurdîstanî nêdê kişte. Sey CÎKî ma camîyan de seba Rojawanî hetkarîye arê danê, Rojawan kenê rojdem.

Mela Cemal: Eke kurdî heqanê xo yê neteweyîyan bipawê o çax do bieşê erkanê xo yê dînîyan bîyarê ca. Bi morê terorî erdê ma îşxal kenê, şarê ma qetil kenê. Kurdî ganî vera ney yew bibê û erkanê xo yê dînîyan bîyarê ca.

Serekê CÎKî Hafiz Ahmet Turhalli: Senî ke Beşar Esad şi, lîderê dewletanê bînan ê ke zulmê kurdan kenê do şorê. Seba ney zî ganî ma yew bibê. Eke ma îtîfaqê xo nêkerê û nêbê yew guneyê doman, ciwan û cinîyan do milê ma de bimano. Ewro Tişrîn de îşxalkerî hêrişê kurdan kenê. Ma vera ney wurzê we.