Patîyanê muxalîfan ê Almanya ra Partîya Çepe (Die Linke) Semedê şermezarkerdişê hêrişê rejîmê Erdoganî yê vera Rojawanê Kurdîstanî û paştdayîşê YPGyî Merkezê Pêroyî yê Partîya Çepe de beyraqa YPGyî ameye aliqanyene.

Paytextê Almanya Berlîn de merkezo pêrîyî yo ke sey “Karl-Liebknecht-Haus” yeno zanayene pankartêko sero ‘‘Wa  şerê Erdoganî rê paştdayîşê almanî biqedîyo - Semedê Azadîye‘‘ nuşteyo ame aliqnayene. Pankart de reyna semedê paştdayîşî ca dîya beyraqa YPGyî yo ke hêzê pawitişî yê biçeke yê Rojawanî yo  û 9ê teşrîna verêne ra nata vera hêrişê îşxalî yê dewleta tirke xo ver dano.

Partîya Çepe bi nê pankartî veng da hukmatê federalî yê Almanya ke wa paşt medo rejîmê Erdoganî. Partîya Çepe ya ke 69 parlamenterê ci Meclîsê Federalî de estî roja detpêkerdişê hêrişê îşxalî ra nata hukmatê almanî ra wazena ke tekîlîya xo ya leşkerîye û sîyasîye  bi Tirkîya vindarno.