MPKE: Şertê weçînayîşî têdûşt nîyê bi coka Erdogan ser kewt
MPKEya ke bi 232 çimdaran turo diyîn ê weçînayîşê serekkomarîye teqîb kerdbi vat: ''Kampanyaya weçînayîşî de qiseyê provakatîf û cîyakerî ameyî kerdene.''
Meclîsê Parlamenteran ê Konseya Ewropa (MPKE) seba turê diyînî yê weçînayîşê serekkomarîye 31 welatan ra 232 kesî sey çimdaran wezîfedar kerdbî.
Heyetê MPKE pare kerd ke kampanyaya weçînayîşî de qiseyê tehrîkker û cîyakerî ameyê kerdene. Eşkerayîya nuştekîye de ame vatene ke tewirê medya ra semed şertî têdûşt nêbîyê û ney zî Erdoganî rê fayde kerdo.
MPKE da zanayene ke şertê turê diyînî demokratîk nêbîyê û venga hukmatê AKP-MHPyî da ke dewayanê Selahattîn Demîrtaş û Osman Kavalayî de biranê Mehkemeya Heqanê Merdiman a Ewropa (MHME) bîyaro ca.
