17ê gulana 2018î de wesayîtêkê koçberano ke şîyêne Qralîyetê Yewbîyayeyî amebi teqîbkerdene polîsan guleyî eştî wesayîtî ser û domana kurde Mawda hêriş de dinyaya xo bedilnaye.

Edaletê Belçîka di serran ra dima temmuza 2019î de bire dabi ke polîso kiştox wa 'qestî ra kiştişî' ra bêro hukmkerdene. Dewa do 23ê teşrîna peyêne de Mons de dest pêbikera.

Destpêkerdişê dewa ra verî xeylêk kesanê namdaran paştî daye keyeyê Mawda.

Solîstê koma Pink Floydî û basgîtarîstê îngilîzî George Roger Watersî twitterî ra vîdeoyêk weşana. Watersî vat: ''Veng vejê. Destur medê ke wa mergê domanêke nêvînayîşî  ra bêro. Seba ke a welatêkî şerî dayo piro de ameya dinya, xetaya aye nîyo. Zerrîya mi semedê aye û keyeyê ci bena lete.''

Rejîsoro îngîlîz Ken Loacho ke wayîrê xeylêk xelatan o, ê  zî bi mesajêk paştî daye komeleya "#Justice4Mawda". Loachoyî vat: ''Eşkerayo ke Mawda hetê polîsanê Belçîka ra ameye mirênayene. Sebebê taybetî çi benê wa bibê, no nîno muneqeşekerdene. Mînîbusa ke pê merdiman pirrkerdîya senî yena pirodayene? Ê semedê xelisnayîşê cuya xo remayene. Her cuya hende ê bînan bierj o.''