Festîvala Kulturê Kurdan a Mîyanneteweyîye ya 30., 17ê êlule de bi şîarê 'Vera îşxal û qirkerdişî ma do Kurdîstanî bipawê, Rayber Ocalanî azad bikerê' do şaristanê Landgraafî yê Hollanda de bêro kerdene.

Hemsereka NAV-BELî Arîfe Soysuren û Hemserekanê CDK-Syî Selma Suren û Îsmaîl Kardaşî ANFyî rê qisey kerd û venga pêro kurdîstanijan da ke tewrê festîvale bibê.

Hemsereka NAV-BELî Arîfe Soysuren ard ziwan ke şarê kurdî û têkoşînê azadîye yê Kurdîstanî prosesêkê zehmetî de yê û vat: ''No proses sey merg û mendişî pênase beno. Gerîlayî hê koyan de bi qehremanîyêka pîle xo ver danê. Ganî ma bibê vengê gerîlayan. Ganî nêro vîrakerdene ke azadîya Rayber Apoyî çend girîng a. Ma festîvale de azadîya ey biwazê. Coka ma pabeyê her kesî yê ke tewrê festîvale bibo. Şaristananê Charleroi, Liege, Anvers û Brukselî ra 17ê êlule de otobusî wurzenê we.''

Hemserekanê CDK-Syî Selma Suren û Kardaşî zî eşkerayîyêka hempare daye û bale ante ser ke gerîlayî bi pîlî xo ver danê, ganî festîvale na çarçewe de bêra ercnayene. Hemserekan dîyar kerd ke înan festîvale dîyarîya azadîya Ocalanî kerde û wina veng da:'' Seba ke ma layîqê gerîlayan û Rayberîye bibê ma venga pêro kurdîstanijan, dost û enternasyonalîstan danê ke bi coş û moralêkê pîlî tewrê festîvale bibê.''