Hemserekatîya NAV-DEM'î  bi eşkerayîyêka nuştekîye  xoverdayoxê  grevê vêşanîye silam kerdî û semedê tewrbîyayîşê çalakîya 15'ê Adare veng da.

Eşkerayîye de  bale anciyaye ke çalakîyê grevê vêşanîye sewîyêka krîtîke de yê û ame vatene ke   seba ke xoverdayîş ser bikewo ganî her beşanê cimatî  ra hîna bi xurtî tewrê prosesî bibê. Eşkerayîye de ame vatene, “Çiqas ke xoverdayîş bêro girdkerdene tecrîd do biwedarîyo, faşîzm birijîyo û serkewiş bibo yê xoverdayoxan”

Hemserekatîya NAV-DEM'î da zanayene ke, meclîsê şarî, heme pabesteyê ‘Platformê cuye yê vera tecrîdî’î  heta ke çalakîye ser bikewa ganî bi ruhê seferberîye tê bigêrê û wina dewam kerd: “Vera hêrişanê AKP/MHP’î yê faşîst, qetilkerî, ganî şarê Kurdî bi yewveng bi hemleya xoverdayîşî ya tarîxî cewab bido. 15'ê Adare 2019 de, roja Îneyî saete 10:00 de Brandenburgertorî yê Berlînî de çalakîya nobete do bêro viraştene û 24 saetî dewam bikera. Ma vengdayîş şarê xo û heme dostanê xo yê herêmanê Sachsen, Niedersachsen, Hambûrg, Bremen, Kiel û Kurdistanijan ê Vakûrê Almanya kenê ke tewrê çalakîye bibê.”