Çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de şaristanê Strasbourgî yê Fransa de serkêşîya TJK-E de rayraşîyayîşêk ame kerdene.

Rayraşîyayîş warê Nobeta Azadîye de qedîya. Rayraşîyayîş de pankart û dowîzê bi nuşteyê 'Abdullah Ocalanî rê Azadîye' ameyî akerdene. Çalakîkeran sloganê sey "Bê Serok jiyan nabe”, "Jin, jiyan, azadî" û "Bîjî Serok Apo"  vatî. 

Dima eşkerayîye ameye wendene. Eşkerayîye de dîya zanayene ke Rayberê Şarê Kurdî Abdullah Ocalan 25 serrî yo Îmrali de yeno tecrîdkerdene û dezgehê mîyanneteweyîyî vera ney erkanê xo nêanê ca. TJK-E vat: ''Tecrîdê vera Rayber Apoyî sûcê vera merdimatîye yo. Rayberê ma xeta ma ya sûr o. Ganî dezgehê Ewropa erkanê xo bîyarê ca.''

Dima çalakîkeran verê Konseya Ewropa de çalakîya roniştişî kerde û verê warê Nobeta Azadîye de zî mîtîngêk kerd.

Mîtîng de Hemvervatoxa Têkilîyanê Teberî ya CDK-Fyî Bêrîvane Firat û Endama TJK-E Selma Surer qisey kerd. Înan îfade kerd ke meseleya kurdan ancax bi azadîya Rayberê Şarê Kurdî çareser bena.

Mîtîng bi sloganan qedîya.