Neteweyê Yewbîyayeyî: Efrîn de sucê merdimîye yeno kerdene!

Komîsyonê Cipersayîşî yê Sûrîye yê Neteweyê Yewbîyayeyî raporê xo yo ke eşkera kerd de da zanayene ke Efrîn de yo ke binê îşxalê dewleta Tirkî de yo sucê merdimîye yeno kerdene.

Komîsyonê Cipersayîşî yê Mîyanneteweyî yê Xoserî yê Sûrîye  yê Neteweyê Yewbîyayeyî (NY) semedê Roniştişanê Hewanê Merdiman ê 42’ine yê Konseya Heqanê Merdiman a Neteweyê Yewbîyayeyî (NY) yê ke 9’ê Êlule de dest pêkerdî, raporêk hedre kerd. Rapor de bale ameye antene binpaykardişê heqanê merdiman ser.

Rapor de derheqê hêrişanê vera şarê Efrînî de ame vîrardene ke seke Efrîn kewto binê kontrolê dewleta Titkî û çeteyanê ci  ra nata problemê asayîşî dewam kenê û nê ameyî vatene: ‘‘Hetê çeteyan ya zî grûbanê bisîlehan ra Kurdan rê îşkence yeno kerdene û heme heqê înan yenê binpaykerdene.Ê ke peyser agêrenê Efrînî destûr nêdîyeno ke şirê binê bananê xo û mal û milkê şarî yeno destsernayene. Mîrasê tarîxî û Kulturkî yeno çînkerdene. Cinî û qicê kênayî bizor yenê qefilnayene û reyna nuqtayanê kontrolî de raştê tacîzî yenê. Nê heme hêriş, zext û binpaykerdişê heqan ê ke çarçeweya sucanê merdimîye de yê bi destê mekamanê Tirkî yenê kerdene.‘‘ Rapor de reyna  bale ameye antene şertanê kampanê Hol, Roj û Ayn îsa yê Rojawanî yê ke keyeyê çeteyanê DAÎŞ’î zî tede manenê ser û ame vatene ke problemê înan ê cîdî ê estî. Peynîya raporî de semedê werte ra wedartişê binpaykerdişê heqan ê herra Sûrîye pênîyazî ameyî kerdene.