Paytexrê Fransa Paris de kurdî û dostê înan Newroza Rayberê Şarê Kurdî Abdullah Ocalanî rê Azadîye pîroz kerd.  Bi hezaran kesê ke warê Newroze ameyî têhet rixmê serd û sipirî bi coşî roşanê xo pîrzo kerd.

Programî bi rêzgirewtişî dest pêkerd û dima adirê Newroze hetê dayîkanê şehîdan ra ame tavistene.Badê qiseykerdişê akerdişî  mesajê Komîteya Rayberdişî ya PKKyî ame wendene.

Mesaj de wina ame vatene: ''Xoverdayîşê Gerîlayan û têkoşînê Îmraliyî bîyî yew û sere de Zap çalakîyê xurtî ameyî kerdene û derbeya girdî dîyaye îqtîdarê faşîstî ro. No têkoşîno gird ê gerîlayan do mîjdana pîle bido şarê ma û merdimîye. Gerîlayanê ma yê qehremanan bi taktîkê xo afirnayoxî û performansê xo yê girdî  teknîkî herra Kurdîstanî semedê hêzanê îşxalkeran û qirkerdoxan kerde gorsitan. Têna serê erdî û binê erdî de nê, azmîn zî vera dişmenê qirker faşîstî bi warê têkoşînî. Bi pirodayîşê darbeya vera faşîzmê AKP-MHPyî adirê Newroza emserî azmîn de ame tavistene. Newroza 52. Newroza Rayberîye ya. Kam ke zerrîya ci de adiriê azadîye est o wa vera Dehaqanê neweyan bibi Kawayo Modern.''

Ciwananê kurdan mijdana Newroze ya Merkezê Pawitişê Şarî ya derheqê sîstemê vera SÎHAyan de selam kerd. Ciwanan maketê SÎHA viraşt, da war û vêşna. Gama ke maket vêşayêne şarî bi coşî  sloganê  “Bijî Serok APO”, “Zap, Avaşîn, Metîna; Bijî berxwedana gerîla” vatî.