Çalakîya Nobeta Azadîye ya ke 25ê hezîrana 2012î de şaristanê Strasbourgî yê Fransa de verê bînaya Konseya Ewropa de dest pêkerde, hewteyê 425. de bi qerardarîye dewam kena.

Çalakîya ke her hewte bajaranê cîya cîyayan ê Ewropa ra kurdîstanijî û dostê înan rayra benê, hewteyê 425. de hetê grûbêka paytextê Almanya Berlin û şaristanê Strasbourgî yê Fransa ra ameye ra yena girewtene.

Çalakwanan ra Edîp Xanegînî ke bi nameyê grûbe qisey kerd ard ziwan ke ê sey grûbe çar  leteyanê Kurdîstanî ra nobete tepişene û vat: ''Verî çar dewî nêameye yew ca la nika felsefeya Rayberîye ma ardî têhet. Na yewîya neteweyîye ya. Wa her kes bizano ke bi felsefeya Rayberîye şorişê nizdî yo. Gerek dezgehê mîyanneteweyî zî hînî  vînê ke ma senî Rayberê xo rê girêdaye yê ke hîrê meymunan kay mekerê.''