Nobeta 'Rayberê Şarê Kurdî Abdullah Ocalanî rê Azadîye' ya ke şaristanê Strasbourgî yê Fransa de yena kerdene, hewteyê 571. de bi endamanê Têgêrayîşê Ciwananê Kurdîstanî Serhat Keklîk, Ozgur Guner, Mûstafa Ozdemîr û Eyup Kaya dewam kena.

Serhat Keklîkî nameyê çalakîkeran ser o vat: ''Ma tîya ra venga rayaumûmîye, Parlamentoya Ewropa, şarê kurdî danê ke Rayberê ma ra wextêkê dergî ra nata xebere çin a. Ma wazenê qesawetê xo bîyarê ziwanî. Ma sozê xo dibare kenê ke xeta Rayberîye ra dûrî nêkewê û tim Rayberê xo bipawê.

Ma rayaumûmîya Ewropa ra wazenê ke ney vajê; şarê kurdî vera kolonyalîstan bin nêkewto û do nêkewo. Şarê kurdî çar hetanê dinya de seba azadîya xo û azadîya Rayberê xo têkoşînî ra do fek vera nêdo. Vera hêzanê kolonyalîstan têkoşînê ma do dewam bikero.Ma reyna venga şar û ciwananê kurdan danê ke heta Rayberê ma û Kurdîstan azad bibê xo ver bidê û têkoşîn bikerê. Wa her kes seba ney tewrê Nobeta Azadîye bibo.''