Nobeta Azadîye  ya ke semedê azadîya fîzîkîye ya Rayberê Şarê Kurdî Abdullah Ocalanî  25ê hezîrana 2012yî de bajarê Strasbourgî yê Fransa de dîyaye destpêkerdene hewteyê 533. de dewam kena.

No hewte endamanê Merkezê Komelê Demokratîkî yê Kurdan ê Hollanda û Têgêrayîşê Cinîyan ê Kurdan ê Hollanda ra Huseyîn Yildiz, Dayîke Şukran û Şîrîne Farqîn nobete dewr girewte.

Huseyîn Yildizî nameyê kome ser o qisey kerd vist vîrî ke Rayberê Şarê Kurdî 15ê sibata 1999î ra nata binê tecrîdêkê giranî de yo. Yildizî vat: ''Dinya verê tecrîdî de bêveng a. 25 serrî yo sîstemo kapîtalîst keno ke Rayberê ma şarê ma ra biqerifno û wezîfeyê gardîyanîye zî teslîmê Tirkîya kerd. Sey şarê kurdî û têgêrayîşî wezîfeyê ma yo bingeyî yo ke ma Rayberê xo azad bikerê.

Ma seba azadîya Rayberîya xo tîya de yê. Ma neçare yê ke her cayê têkoşînî de, vera şerê taybetî yê sîstemê kapîtalîstî û sîstemê faşîstî bi hawayêkê topyekûnî xo ver bidê û Rayberê xo azad bikerê.''

Çalakîkera bîne ya Nobeta Azadîye, endama TJKyî Dayîke Şukrane vat: ''Azadîya ma pabesteyê azadîya Rayberê ma ya. Ez nameyê cinîyan ê kurdan ê Hollanda ser o tewra nobete bîya. Ma do Rayberê xo mîyanê dêsan ra azad bikerê. Ez venga cinîyan dana ke tewrê nobete bibê û peynîya tecrîdî bîyarê.''