Seba azadîya Rayberê Şarê Kurdî Abdullah Ocalanî verê Konseya Ewropa de çalakîya 'Ocalanî rê azadîye' hewteyê 385. de bi tewrbîyayîşê komêka newîye dewam kena. Hewteyê vîyarte de komêka kurdan Danîmarka ra amebî tewrê nobete bibî û nê hewte zî hîrê ciwananê ke eyaletê Sachsenî yê Almanya ra yê, çalakîye de ca girewt.

aci Mûrat Zer, Mahmût Çîçek û Mûhammet Emîn Arî koma newîye de ca girewt. Nameyê kome ser beyanat ame dayene. Beyanat de ame vatene ke "Rojhelatê Mîyanênî de krîzêko pîl esto la ma nêeşkenê Ocalanî ra xebere bigêrê. No proses zulm o. Ma venga pêro dezgehanê Ewropa danê. Ganî goş bidê vengê şarê kurdan ser."

Çalakîya Nobete 'Ocalanî rê Azadîye' 25ê Hezîrana 2012î de amebî destpêkerdene. Heta nika 2 hezar kurdîstanijî û ewropayîjî tewrê çalakîye bîy.