Çalakîya Nobeta Ocalanî rê Azadîye ya ke vernîya Konseya Ewropa (KE) ya bajarê Strasbourgî yê Fransa de yena viraştene sey her hewteyî no hewte zî hete grûba neweye ra yena domnayene.

Nobeta ke hewteyo ravêrte de bajarê Heilbronnî yê Almanya ra hetê grûbêke ra ameye domnayene no hewte hetê grûba ke  bajarê Bernî yê Swîsre ra Saadete Kuran û Strasbourgî ra Erhan Aktay û Zeydîn Arginî tede ca gênê ra ameye dewrgirewtene.

Eşkerayîya ke bi nameye grûbe ameye dayene de ame vîrvistene ke 8 serrî yo Nobeta Azadîye rixmê heme zehmetîyan bêmabên dewam kena û ame vatene ke nobete do heta azadîya Ocalanî biqerardarîye dewam bikero. Çalakwanan xoverdayîşo tarîxî yê PKKyî zî silam kerd û vat ma do heta serkewtiş xeta Rayberîya xo de xover bidê.

Nobeta Ocalanî rê Azadîye 25’ê Hezîran a 2012’î ra nata bêmabên yena domnayene.