Nobeta Azadîye  ya ke semedê azadîya fîzîkîye ya Rayberê Şarê Kurdî Abdullah Ocalanî  25ê hezîrana 2012yî de bajarê Strasbourgî yê Fransa de dîyaye destpêkerdene hewteyê 545. de dewam kena.

No hewte Koma Darmstadtî nobete dewr girewte. Mîyanê kome de kurdîstanijî Kamûran Kilinç, Selîm Oltan û Feyzî Ozçelîk cagênê.

Nameyê kome ser o Kamûran Kilinçî qisey kerd û dîyar kerd ke proseso nikayên seba şarê kurdî tarîxî yo.

Kilinçî vat: ''Kurdê welatperwerî ganî erkê xo bikerê û wayîrê Rayberîye vejîyê. Ganî ma wayîrê rûmetê xo, erj û partîya xo vejîyê. Kurdî zanenê ke partîya ma ewro her cayê dinya de têkoşînêkê bêhempayî kena. Gerîlayanê ma Zap, Metîna, Heftanîn û her koyê Kurdîstanî dişmenî rê kerdo goristan. Labelê ma sey kurdanê dîaspora ganî mil bi milî bidê û hetê gerîlayan, partîya xo û Rayberê xo de têkoşîn bikerê.''

Kilinçî serrgêra 45. ya ronîyayîşê PKKyî zî fîraz kerde.