Nobeta Azadîye her hewte şaristanê Strasbourgî yê Fransa de pê komêka cîya yena kerdene û emser serra 9. ya çalakîya nobete ya. Nobeta Azadîye 25ê hezîrana 2012î ra nata seba azadîya Rayberê Şarê Kurdî Abdullah Ocalanî yena kerdene.

Çalakîye verê Mehkemeya Heqanê Merdiman a Ewropa, Konseya Ewropa, Parlamentoya Ewropa û Komîteya Vergirewtişê Îşkenceyî ya Konseya Ewropa (CPT) de yena kerdene.

Nobete pê koma Hannoverî ya Almanya dewam kena. Kome de kurdîstanijî Xoşnav Ata, Haci Îsa Mîdyat, Kadrî Amed ca gênê.

Nameyê kome ser o Xoşnav Atayî qisey kerd û hêrişê îşxalî û qirkerdişê dewleta tirke yê vera kurdan pê hemkarîya NATOyî dewam kenê. Xoşnav Atayî vat: ''Ewropa tim bîya hemkara sûcanê Tirkîya û heta nika vera tecrîdê Îmraliyî zî gamêke nêeşte.''

Atayî bale ante hêrişanê îşxalî û hemkarîya PDKyî ya bi Tirkîya ser û vat: ''Barzanî dişmenî reyde xîret keno ke destkewteyanê kurdan wedarno. No nêno qebulkerdene.''

Atayî wina dewam kerd: ''Rayber Apo mefteyê çareserîya meseleya kurdan o. Rewşa nikayêne de girîngîya Rayber Apoyî zêdêr vejîyaye werte. Tesadûf nîyo ke no şer wextê tecrîdî de dîya destpêkerdene. Kurdî do her ca de wurzê payan ser û nê şerî vindarnê.''