Seba azadîya Rayberê Şarê Kurdî Abdullah Ocalanî 12 serrî yo şaristanê Strasbourgî yê Fransa de çalakîya nobete yena kerdene. Hewteyê 634inî de koma Stuttgartî nobete dewr girewte.

Kome de kurdîstanijî Maksut Dogan, Ayşe Mutlu, Mehmet Elik, Ramazan Aslan û Denîz Tomas cagênê.

Doganî nameyê kome ser o eşkerayîye daye û vat: ''Ma seba wedarîyayîşê tecrîdî venga Parlamentoyê Ewropa û CPTyî danê. Rayber Apoyî ra bi serran o xebere nêna girewtene. ''

Ayşe Mutlu zî ard ziwan ke heta tecrîd biqedo xoverdayîşê kurdan do dewam bikero. Ayşe vat: ''Seba wedarîyayîşê tecrîdî ganî şarê ma vejîyo waran.''