Çalakîya Nobeta Ocalanî rê Azadîye ya ke 25’ê Hezîran a 2012’î deve vernîya Konseya Ewropa de dest pêkerdebî roja Yewşemeyî ra nata hetê cinîyan ê Êzidîyan ra yena rayraberdene.
Çalakîya ke hewteyê verênî de hetê endamanê Komîteya Şehîdan ra ameye xosergirewtene de qalê mûhîmîya mucadeleyê Ocalanî yê semedê şarê dinya yeno kerdene.
Çalakîya nê hewteyî de cinîyê Êzidî Zerê Devale, Sosin Kartale û Zero Ale ca gênê. Zerê Daval a ke bi nameyê grûbe eşkerayîye daye pêvînayîşanê Rayberê Şarê Kurdî Abdullah Ocalanî yê ke rojanê peyênan de reyna yenê astengkerdene vistî vîrî û va şar nê semedî ra biqesewet o. Vervatoxa grûbe bale ante serê kayanê leyminan ê Tirkîya û dewletanê paştgerênê ci yê vera Kurdan û veng da selahîyetdaranê Komîteya Vernîgirewtişê Îşkenceyî (CPT) û Konseya Ewropa (KE) yê ke Strasburg de yê û waşt ke wezîfeyê xo bica bîyarê.