Çalakîya Nobeta 'Seba Ocalanî Azadîye' şaristanê Strasbourgî yê Fransa de verê Konseya Ewropa de 423 hewteyan ra nata hetê komanê cîyayan ra yena kerdene. Koma nê hewteyî Hollanda ra kurdîstanijê bi nameê Aynure Dêrsim, Şorê Mayîn, Feyzî Dep û Fevzî Şixoyî yê.

Çalakîkeranê ke seba azadîya Rayberê Şarê Kurdî Abdullah Ocalanî nobete gênê vat: ''Rojêke tarîx do binuso ke kurdî û Rayber Ocalan senî heqdar ê.'' 

Nameyê kome ser o Aynure Dêrsim qisey kerd û îfade kerd ke çalakîya nobete  9 serran ra nata verê Konseya Ewropa û Komîteya Vergirewtişê Îşkenceyî (CPT) de bi hawayêkê qerardarî dewam kena û heta ke Ocalan azad bibo do dewam bikera.

Aynure Dêrsim vat: ''Her roje ê ma tîya de vînenê la reyna zî nêşermayenê. Birêz Ocalan Rojhelatê Mîyanênî de ronayoxê cuya têdûşt û haştîyane yo. Ocalan roşnîya pêro şaran û cinîyan o. Cinîyî zî pê çalakî û xoverdayîşê xo perwerîya xo ya seba Ocalanî mojnenê.''

Aynure Dêrsim da zanayene ke koma Hollanda venga şarî da ke bi hawayêkê zixmêrî tewrê xoverdayîş û prosesî bibo.