Nobeta ke seba azadîyaRayberê Şarê Kurdî Abdullah Ocalanî verê bînaya Konseya Ewropa de şaristanê Strasbourgî yê Fransa de yena kerdene, bi komêka newîye hewteyê 402. de ya. Na hewte Fransa û Almanya ra komêke nobete dewr girewte.

Koma newîye Zeydîn Argîn, Memo Axmed, Ronah Fedevî û Erhan Aktay yena meydan.

Nameyê kome ser o eşkerayîyêke amey dayene û ame vatene ke caardişê pêvînayîşe keyeyê bi Rayberê Şarê Kurdî Abdullah Ocalanî reyde kêfweşî yo.

Eşkerayîye de ame vîrvistene keçend mengan ra dima Ocalan reyde pêvînayîş ame kerdene û ame vatene: ''Ocalan reyde pêvînayîş seba ma kêfweşî yo labelê armancê ma azadîya ey o. Derheqê rayberê ma de qesawetê ma dewam kenê.''

Eşkerayîye de venga dezgehanê mîyanneteweyîyan ame kerdene ke berpirsîyarîyanê xo bîyarê ca.

Çalakîkeran waşt ke wa her kes vera şantajê dewleta tirke sere wedaro û kes nêbo hemparê sucanê dewleta tirke yê vera Rojawanî.