Nobeta Azadîye ke semedê azadîya Rayberê Şarê Kurdî Abdullah Ocalanî Bajarê Strasbourgî yê Fransa de verê Konseya Ewropa de yena kerdene, kewte hewteyê 432. Çalakîya nobete ke yeno plankerdene ke heta azadîya Ocalanî bi qerardarîye bêro domanyene no hewte hetê kurdîstanijî Mehmet Çoçban, Muslum Kuş, Fevzî Ozçelîk û Selîm Oltan ê ke bajarê Darmstadtî ra ameyî ra yena girewtene.

Mehmet Çobanî ke bi nameyê grûbe eşkerayîye daye vat: ''Belka Serekê ma bi fizîkî tîya nîyo la fikr û îdeolîjîya ey tîya yê. Fîkrê Rayberîya ma yo ke 21 serrî yo esîr o, dinya de hetê bi mîlyonan ra yenê qebulkerdene le zîhneyetê ke Rayberê ma esîr girewt ewro ersîr girewtişê sîyasetmedmedaranê kurdan rê dewam keno.''

Vervatoxê grûbe bale ante ser ke şarê kurdî serkewte û heqdar û vat raştî naye ke tersunekî tim vînî kenê.

Endamanê grûba Darmstadtî xoverdayîşê vera hêrişanê vera HDPyî selam kerd û vat  têkoşîno heqdar ê kurdan do ser bikewo.

Çalakîya Rayberê Şarê Kurdî Abdullah Ocalanî rê Azadîye 25ê hezîrane 2012î ra nata yena rayraberdene.