Nobeta Azadîye ke semedê azadîya Rayberê Şarê Kurdî Abdullah Ocalanî bajarê Strasbourgî yê Fransa de verê Konseya Ewropa de yena kerdene, kewte hewteyê 434.

Grûba Bremenî  nobete grûba Mannheimî ra dewr girewte. Nobete de kurdîstanijê  bi nameyê Selahaddin Taşçi, Vedat Demir û Abdullah Sonay ca genê.

Çalakawanan seba ke rayapêroyîya dinya goş nêkeweno waştişanê şarî kurdî hêrsê xo ard ziwan û dezgehanê Ewropa ra waşt ke wa berpirsîyarîya xo bîyarî ca. Çalakwanan ard ziwan ke sere de Komîteya Vergirewtişê Îşkenceyî (CPT) û dezgehê sey ci bi tewiranê xo yê xeletan paştî danê polîtîkayanê qirkerdişî yê vera kurdan.

Endamanê grûba Bremenî bale ante çalakîyanê 10ê teşrîna verêne ser û vat semedê azadkerdişê Rayberê Şarê Kurdî Abdullah Ocalanî do çalakîyî dewam bikerê. Çalakwanan semedê pîlkerdişê têkoşînî veng da û vat ganî ma heme kurdî bi ruhê seferberîye têbigêrê.

Çalakîya Rayberê Şarê Kurdî Abdullah Ocalanî rê Azadîye 25ê hezîrane 2012î ra nata yena rayraberdene.