Nobeta 'Ocalanî rê Azadîye' hewteyê 429. de verê bînaya Konseya Ewropa de dewam kena. Nê hewteyî Frankfurtî ra komêke nobete dewr girewte. Kome de kurdîstanijê bi nameyê Alî Kinay, Mehmet Çakmak, Hasan Kisa û Haci Aleks estê.

Endamanê kome vera Konseya Ewropa û Komîteya Vergirewtişê Îşkenceyî (CPT) nêrazîbîyayîşê xo mojna û vat: ''Ma 9 serran ra nata tîya de çalakîye kenê la pêro dezgehî bêveng ê.Kurdî zî sey pêro merdim û welatan edalet wazenê. Çunke Rayberîya kurdan 21 serrî yo ke zîndan de yo û tira xeberêke nêna girewtene.''

Koma Frankfurtî selam kerd Rayraşîyayîşê Dergî yê ciwanan û vat: ''Ma do azadîya Rayberîya xo ra fek vera nêdê. Ganî kurdî seba nê armancî têbigêrê.''