Çalakîya Nobeta Azadîye ya ke 25ê hezîrana 2012î de şaristanê Strasbourgî yê Fransa de verê bînaya Konseya Ewropa de dest pêkerd, hewteyê 420. de pê qerardarîye dewam kena.

Nobetdarê nê hewteyî şaristanê Prozheimî ra komêk a. Kome kurdîstanijanê bi nameyê Cafer Selçuk, Alî Gokçe, Abdullah Mutlu û Denîz Kurtî ra yena meydan. Cafer Sulçukî kome ser o qisey kerd û îfade kerd ke Rayberê Şarê Kurdî Abdullah Ocalanî ra wextêkê dergî ra nata xeberêke nêna girewtene. Selçukî vat: ''No seba şarê kurdî zulm o. Pê tepiştişê rayberê ma meseleya kurdan çareser nêbena. Ocalan tek berê çareserîya meseleya kurdan o û şarê kurdî nê prosesî de ganî tewirêkê qerardarî bimojno. Ma neçare yê ke nê prosesî pê qerardarî bîyaro ca.  Her cade ma wayîrê Rayberê co vejîyê.''

Nobeta Seba Ocalanî Azadîye 25ê hezîrana 2012î de dest pêkerd û çalakîye nobete verê Mehkemeya Heqanê Merdiman a Ewropa, Parlamentoya Ewropa, Komîteya Vergirewtişê Îşkenceyî ya Konseya Ewropa de yena kerdene.