Çalakîya nobeta ke seba azadîya Rayberê Şarê Kurdî Abdullah Ocalanî verê bînaya Konseya Ewropa de şaristanê Strasbourgî yê Fransa de yena kerdene, nê hewteyî hetê endamanê Sîwana Mexlîsanê Cinîyan ê Êzidîyan (SMJÊ) yena kerdene. Nûrê Alkiş, Zero Al, Cîhane Hewran, Fîkriye Ferho û Gule Kûrt nobetdarê nê hewteyî yê.

Fîkrîye Ferho nameyê kome ser o qisey kerd û îfade kerd ke vera polîtîkayanê qirkerdişî ganî şarê kurdî bibo yew.Ferhoyî ard ziwan ke serebûtê ke qewimîyenê têna seba kurdanê  êzidîyan nê seba pêro kurdan Fermanê 74. yê. Fîkrîye vat: ''Vera renganê Rayberê ma her roje bi îşkence cewab danê. Wextê ci ameyo ke kurdî wayîrê Rayber û şehîdanê xo vejîyê.''

Cinîyanê SMJÊ venga Konseya Ewropa û CPTyî da ke mesuldarîyanê xo bîyarê ca û eşkera kerd ke azadîya Abdullah Ocalanî garantîya cuya haştîyane, azade ya şaranê Rojhelatê Mîyanênî ya.

Nobeta 'Ocalanî rê Azadî' 25ê hezîrana 2012î de dest pêkerdbi û her hewte dezgeh, kes, rêxistinê cîyayî tewrê çalakîye benê. 427 hewteyan de bi temamî 2 hezar kesî tewrê nobete bîyî ke zafînê înan cinî bîyî.