Nobeta 'Ocalanî rê Azadî' 25ê hezîrana 2012î de şaristanê Strasbourgî yê Fransa de verê bînaya Konseya Ewropa de dest pêkerdbi. 

Çalakîkerê nê hewteyî komêka şaristanê Oldenburgî yê Almanya yê. Çalakîkerî Denîz Aydin, Sehlettîn Ehe û Medîye Xelîl nobete koma Berlinî ra dewr girewte.

Denîz Aydinî ke bi nameyê kome  qisey kerd ard ziwan ke heta ke Rayberê Şarê Kurdî Abdullah Ocalan azad nêbo çalakîye do dewam bikera.

Aydinî vist vîrî ke CPT teqîbê binpaykerdişanê heqanê merdiman ra mesuldar o û ganî mesuldarîya xo bîyaro ca. Denîzî vat: ''Mesuldarîyê CPT û Konseya Ewropa estê.Kurdîstanijî zî naye wazenê. Kurdî ganî vera pêro hêrişan bibê yew. Çalakîyanê ma de zî tim merdimê bînî naye persenê. Reyna çalakîyan de merdimî exlebî fikr û tewirê Ocalanî persenê û bale ancenê girîngîya fikranê ey ser.''

Çalakîkerê Oldenburgî derheqê fikrê Ocalanî û têkoşînê cinîyan de vilawekan vila bikerê.